ANTOTSIANINLAR — kislorodli rangdor geterotsiklik birikmalar (antotsianidinlar)ning glikozidlari. Antotsianinlar oʻsimliklar tanasi, guli va mevasiga har xil rang berib turadi. Oʻsimlik rangi faqat Antotsianinlarga emas, balki oʻsimlik hujayralaridagi suyuklik miqdoriga hamda Antotsianinlarning qanday metall bilan birikkanligiga ham bogʻliq. Mac, A. ning temir bilan hosil qilgan birikmasi qizil, molibden bilan koʻk va pushti, nikel yoki mis bilan esa oq boʻladi. Antotsianinlar kislotalar bilan qoʻshib qaynatilganda (yoki fermentlar taʼsirida) shakarga va antotsianidinlarga ajraladi. Antotsianinlarning shakar qismi, koʻpincha, glyukoza, ramnoza, galaktoza boʻlishi mumkin.