ASKAR — 1) davlat va mamlakat muhofazasi yoki harbiy yurishlarda ishtirok etuvchi harbiy xizmatchi, qurolli jangchi;
2) davlatning qurolli kuchlari majmui yoki uning bir qismi; qoʻshin. Arab tilining kuchli taʼsiriga qaramay Askar istilohi Oʻrta Osiyo turkiy tillarida, xususan, oʻzbek adabiy tilida asosan 15-a. dan cherik, sipoh, lashkar istilohlari qatori «qoʻshin, lashkar» maʼnosida keng qoʻllanishda boʻlgan. Oʻtgan asr oxirlaridan Askar koʻproq «jangchi, harbiy xizmatchi» maʼnosini ifodalash uchun ishlatiladi.