BARDA (fors.) — asir, qul, xizmatkor. Oʻrta asrlarda Dashti Qipchoq koʻchmanchilari oʻzaro urushlarda hamda Movarounnahr va Xorazmning oʻtroq tumanlariga qilingan talonchilik yurishlarida asir olingan kishilarni oʻz yurtlariga olib borib qul qilar, sotib yuborar yoki oʻz xoʻjaliklarida (badavlat kishilar) ishlatar edilar. Asir olinib, sotib yuborilgan yoki qulga aylantirilgan ana shunday kishilar Barda deb atalgan.