BJEZINSKIY (Brzezinski) Zbignev (1928.28.3, Varshava) —amerikalik sotsiolog, davlat arbobi; 1977—81 y. larda AQSH prezidenta J. Karterning milliy xavfsizlik boʻyicha yordamchisi. 70-y. larda amerika jamiyatini postindustrial jamiyat koʻrinishlaridan biri boʻlgan texnotron davr deb atalgan eraga kirish nazariyasini ilgari surgan. Neokonservatizm namoyandasi. Bjezinskiy kommunizmni keskin tanqid qilib chiqqan.