GAVEL (Havel) Vaslav (1936.5.10) – Chexiya prezidenti (1993-y. dan). 1989 — 92 y. larda Chexoslovakiya prezidenti; chex dramaturgi. Chexiya oliy texnika maktabini, Nafis sanʼat akademiyasining teatr f-tini tugatgan. 1950-y. dan «Na Zabradli» teatrida sahna texnigi, dramaturg, rej. assistenti boʻlib ishlagan. 1968-y. «Mustaqil yozuvchilar klubi» uyushmasi raisi. Keyinchalik Chexoslovakiyada inson huquqlarini himoya qilish harakati yetakchilaridan biri boʻlgan. Bir necha marta qamalgan. 1989-y. dan «Fuqarolik forumi» harakati yetakchisi. Chexoslovakiya voqeligi toʻgʻrisidagi «Bogʻ tantanasi» (1963-y. sahnalashtirilgan, 1964-y. eʼlon qilingan), «Bildirish» (1965-y. sahnalashtirilgan), «Audiyensiya» (1975-y. radio orqali eshittirilgan), «Vasvasa» (1985), «Assonans» (1987) satirik pyesalari muallifi.