GAZLI-NUKUS GAZOPROVODI — gaz magistrali. Oʻzbekistonning shim. dagi isteʼmolchilar ehtiyojini respublikaning oʻz gazi bilan qondirish maqsadida (Urganch sh. tarmogʻi bilan birga) qurilgan. Gaz yoʻlining 1-navbati 1994-y. da ishga tushirilgan (uz. 94 km), 1997-y. da kurilish yakunlangan. Umumiy uz. 317,7 km (jumladan Urganch sh. tarmogʻi 28 km). Gaz yoʻlida 1020 mm li quvurlar yotqizilgan. Undan loyiha quvvati boʻyicha yiliga 8 mlrd. m3 dan koʻproq gaz oʻtadi.