GOLDSPUR

GOLDSPUR — tez hosilga kiradigan olma navi. 1960-y. AQSHda Golden delishes navi klonidan ajratib olingan. Goldspur oʻz xususiyatlariga koʻra Golden delishes naviga oʻxshaydi. Hosildor, koʻchati ekilgandan soʻng 2—3 yili hosilga kiradi. Unumdor tuproq va yuqori agrotexnikani talab qiladi. Mevasi sent. boshida uziladi. P. P. Shreder nomidagi Bogʻdorchilik, uzumchilik va vinochilik i. t. in-tida oʻtkazilgan tadqiqotlar Goldspur Toshkent vohasi sharoitlarida samarador, istiqbolli nav ekanligini tasdiqladi. Goldspurni hozirda Oʻzbekistonning barcha viloyatlarida ekish tavsiya etilgan.