GOVMISH

GOVMISH — zotdor sersut sigirlarni ifodalaydigan atama. Govmishning sutliligi zotiga, yoshiga, boqish va parvarish qilishga bogʻliq. Govmishlar har galgi sogʻin davrida 4—5 ming kg, ayrimlari hatto 10—12 ming kg sut beradi. Oʻzbekistonda boqiladigan qora-ola zotiga mansub Govmishlar bir sogʻin davrida 3600—4500 kg, qizil choʻl zotiga mansublari 3000—4000 kg, shvis zotiga mansublari 3500—4000 kg va bu-shuyev qoramol zotiga mansublari 2500 — 3500 kg sut beradi.