GRADESKRALOVE

GRADESKRALOVE — Chexiyadagi shahar, Laba daryosi boʻyida. Sharqiy Chexiya viloyatining maʼmuriy markazi. Aholisi 98 ming kishidan ziyod (2000). Yirik t. y. tuguni va mashinasozlik (kimyo, gaz, shakarqand, vinochilik sanoati uchun uskunalar, dizellar, motorlar, krzonlar, q. x. mashinalari) markazi. Toʻqimachilik, tikuvchilik, koʻn poyabzal, oynasozlik, mebelsozlik, oziq-ovqat (shakarqand, vino) sanoati rivojlangan, musiqa asboblari ishlab chiqariladi. G.-K. da tibbiyot va ped. in-tlari bor. Meʼmoriy yodgorliklardan gotika sobori (1306), cherkov (1666) saqlangan.