GULJAʼFAR

GULJAʼFAR (Tagetes patula) – qoqioʻtdoshlar oilasiga mansub bir yillik oʻt. Boʻyi 30—70 sm, poyasi sershox. Barglari patsimon boʻlingan, uz. 2—7 sm, eni 1,5—3 sm. Gulbandi 5—7 sm. gullari savatchada oʻrnashgan, tilsimon gullari, asosan, bir qator joylashadi. Urugʻi tukli, qoʻngʻir, popugi qisqa. Iyul—sentda gullaydi. Oʻzbekistonda manzarali va dorivor oʻsimlik sifatida eqiladi. Vatani—Amerika.