GULYOR

«GULYOR» — 1) ommabop oʻzbek xalq qoʻshiqlaridan;

2) rivojlangan shaklli oʻzbek ashula yoʻllaridan. Dastlab Toshkent, Fargʻona vodiysida mashhur boʻlgan. U saraxbor usulida 2/4 takt oʻlchovida ijro etiladi. Uygʻur xalq musiqasida ham «Gulyor» nomli qoʻshiqlar bor, bularda sheʼrning har misrasidan keyin «Gulyor» soʻzi takrorlanadi (yana q. GulyorShahnoz). Respublikamizda «Gulyor» nomidagi bir necha ayollar folklor-etnografik ansambllari mavjud (mas, Boʻstonliq tumanidagi «Gulyor» ansambli).