HULKAR — Savr yulduz turkumida joylashgan tarqoq yulduz toʻdasi. Oddiy koʻz bilan 6—9 ta eng yorugʻ yulduzini koʻrish mumkin. Toʻdada taxm. 540 ta yulduz bor. Eng yorugʻ yulduzi — Alsiona yoki Savrning g si V spektral sinfga kiruvchi qaynoq yulduzlar. Ravshanligi 2,9. Butun toʻdani qoplab olgan changli tumanlik mavjud. Hulkarning diametri 15 parsek (-49 yorugʻlik yili). Barcha yulduzlari fazoda deyarli bir tomonga parallel harakat qiladi. 19-a. oxirlaridayoq Toshkent rasadxonasida Hulkarning noyob fotosuratlari olingan edi.