ISKANDARUN — Turkiyaning jan. dagi shahar, Xatay elida. Urta dengizning Iskandarun qoʻltigʻi sohilidagi port. Aholisi 156,8 ming kishi (1990y. lar oʻrtalari). T. y. tarmogʻi orqali Adana — Halab (Suriya) t. y. ga tugashgan. Toʻqimachilik, metallurgiya, kimyo va oziq-ovqat sanoati korxonalari bor. Mineral oʻgʻit ishlab chiqariladi. Iskandarun Iskandar Zulqarnayn vorislari tomonidan mil. av. 4-a. oxirida bunyod etilgan. 1516-y. da shaharni turklar egallagan. 1-jahon urushidan keyin Suriya tarkibida boʻlgan. 1939-y. dan yana Tur-kiyaga qaytarib berildi. Harbiy dengiz bazasi.