KAMONDAN OTISH — sport turi. Diametri 40—122 sm doyra nishonga 18 — 90 m uzoklikdan 30 yoki 36 tadan oʻq uzilib ochko toʻplanadi. Kamondan otish 15-a. da Shveysariyada paydo boʻlgan. Musobaqalarning hoz. qoidalari 19-a. oxirida ishlab chiqilgan. Olimpiada oʻyinlari dasturiga kiritilgandan soʻng (1900) koʻp mamlakatlarda keng tarqaldi. 1931-y. dan jahon chempionati oʻtkaziladi. Xalqaro Kamondan otish federatsiyasi (FITA, 1931-y. asos solingan)ga 127 ta milliy federatsiya aʼzo (2002), Oʻzbekiston K. o. federatsiyasi 1991-y. da kirgan. AQSH, Belgiya, Buyuk Britaniya, Germaniya, Italiya, Kanada, Polsha, Rossiya kabi davlatlarda Kamondan otish keng yoyilgan. Oʻzbekistonda Kamondan otish 20-a. ning 60-y. laridan ommalashdi. Respublikamizning Natalya Butuzova, Olga Rogova, Vadim Shikaryov, Surayyo Vakilova, Eldor Sayfullin, Zamir Axmedov kabi kamonchilari jahon, qitʼa chempionatlari va nufuzli musobaqalarda gʻalaba qozonishgan.