KOSONSOY SUV OMBORI — Qirgʻiziston Respublikasi Oʻsh viloyati hududida joylashgan gidrotexnika inshooti. Fargʻona vodiysidagi dastlabki suv omborlaridan biri, vodiyning shim.-sharqida (Namangan sh. dan 50 km shim.-gʻarbda). Kosonsoy daryosi rejimini tartibga solish, sel suvlarini toʻplash maqsadida Kosonsoy vodiysining toraygan Oʻrtatoʻqay botigʻida barpo etilgan. Qurilish 1941-y. da boshlanib, 1948-y. da 100 mln. m3 hajmdagi suv ombori foydalanishga topshirildi, 1955-y. da batamom tugʻallangan. Kosonsoy suv omboriga bal. 60 m, oʻz. 290 m toʻgʻon qurildi. Kosonsoy suv omborining suv sigʻimi 165 mln. m3, suv yuzasining maydoni 8 km2, oʻz. 5,2 km, chuq. 20,6 m. K. s. o. suvi bilan Namangan viloyati Chuyet, Kosonsoy, Toʻraqoʻrgʻon tumanlari va Kirgʻizistonning Oʻsh viloyati Olabuqa tumani ekinzorlari sugʻoriladi. Suv toʻplash dek. dan iyulgacha davom etadi.