KUKRINIKSLAR (uch rassom familiyasi va ismining dastlabki harflaridan olingan taxallus) — uch kishidan iborat rassom va grafik rassomlarning ijodiy jamoasi: Koʻpriyanov Mixail Vasilyevich (1903—1991); Krilov Porfiriy Nikitich (1902 — 1990); Sokolov Nikolay Aleksandrovich (1903—2000). Kukrinikslar xalq rassomlari, BA haqiqiy aʼzolari, Mehnat qahramonlari. 1924-y. dan hamkorlikda ijod qilib, hayotiy rasmlar b-n gaz. va jur. larda chiqa boshlashgan; hajviy rasmlar ustasi sifatida shuhrat qozo-nishgan va jahonga tanilishgan. Kukrinikslar ichki va tashqi xalqaro hayotga oid oʻtkir maz-munli turkumlar («Transport», 1933 — 34; «Urush olovini yoquvchilar», 1953 — 57 va b.), tashviqiy plakatlar («Dush-manni ayamasdan tor-mor qilamiz va yanchib tashlaymiz», 1941 va b.), kitoblarga ishlangan bezaklar (M. Ye. Saltikov — Shched-rin, 1939; A. P. Chexov, 194046; M. Gorkiy, 1933, 1948-49 va b.), kartivalar («Eski xoʻjayinlar», 1936—37; «Oqibatda», 1947—48 va b.) va b. asarlar mualliflaridir. Kukrinikslar hamkorlikda asarlar yaratishsada, har biri alohida ijodiy uslubga ega, portret, manzara va vatyurmort janrlarida asarlar yaratishgan. Oʻzbekiston davlat sanʼat muzeyiga Kukrinikslar asarlaridan («Moskva chekkasi», 1941) namunalar qoʻyilgan.