LELOI, Le Txay To (1385.10.9-Teysxin, Markaziy Vyetnam — 1433.1.8) — Vyetnam xalqining Xitoyga qarshi qoʻzgʻoloni rahbari (1418 — 27), Dayvyet davlati hokimi (1428 — 33), Le sulolasi (1428—1789) asoschi-si. 1427-y. da bosqinchilarni mamlakatdan quvib chiqargan. Xo sulolasi (1400—07) tomonidan amalga oshirilgan islohotlarga oʻzgartirishlar kiritgan. Leloi davrida aholi roʻyxatga olingan, kodeks tuzilgan va armiya qaytadan tashkil etilgan.