MARJON OROLLARI — tropik dengizlardagi orollar. Toʻda-toʻda boʻlib yashaydigan marjon hayvonlari, suv-oʻtlar va b. organizmlar qoldiklari yigʻilishidan vujudga keladi. Hoz. zamon marjon orollari ekvatorial va tropik oʻlkalardan b. yerlarda uchramaydi. Faqat Golfstrim oqimi oʻtadigan Bagama o. lari yaqinidagina tropiklardan tashqarida uchraydi. Marjon orollari joylashgan oʻrni va shakliga qarab, qirgʻoq riflari, toʻsiq riflari (suv osti qoyalari), atollarga boʻlinadi (yana q. Marjon riflari).