MITSELIY (yun. Mykes — zamburugʻ) — zamburugʻlarning vegetativ tanasi (tallom). M. ingichka ipchalar — giflardan iborat. Odatda, substrat ichida, baʼzan uning sirtida rivojlanadi; substratdan organik moddalarni osmatik yoʻl bilan soʻrib olish funksi-yasini bajaradi. Xitridiyli zamburugʻlar, zigomitsetlar va somitsetlarning Mitseliysi toʻsiqsiz, bitta hujayradan iborat boʻlib, uz. bir necha oʻn sm ni (mas, mogʻor) tashkil etadi. Xitridiyli zamburugʻlarda Mitseliy kucheiz rivojlangan boʻlib, rizomitseliy deyiladi. Aksomitsetlar, bazidiyali zamburugʻlar M. si toʻsikdar (sektalar) ga boʻlingan koʻp hujayrali. Mitseliyning bir qismi orqali zamburugʻlar vegetativ koʻpayadi. Mitseliydan zamburugʻlarning reproduktiv organlari va mevali tanasi hosil boʻladi.