OMMAVIY QIRGʻIN QUROLLARIDAN MUDOFAA — qoʻshin, aholi va mamlakat xalq xoʻjaligi obyektlarini dushmanning yadro, kimyoviy va bakteriologik qurollari taʼsiridan himoya qilishda qoʻllaniladigan chora-tadbirlar kompleksi. Bunda individual himoya vositalari, transheyalar, maxsus jihozlangan pana joylardan foydalanila-di, epidemiyaga qarshi va b. tibbiy tadbirlar, dezaktivatsiya, degazatsiya hamda umumdavlat mudofaa tadbirlari koʻriladi (q. Fuqaro mudofaasi).