PIRIDOKSIN, piridoksol, V6 vitamini — suvda eriydigan vitamin; piridin hosilasi. Toʻqimada piridoksalfosfat (asosan, aminokislotalarning sintezlanish va parchalanish reaksiyalarida qatnashuvchi ko-ferment)ga aylanadi. Goʻsht, baliq, sut, jigar, xamirturush, koʻpgina oʻsimlik mahsulotlarida boʻladi. Ichak mikro-florasida sintezlanadi. Piridoksin yetishmasligi odam va hayvonlarda dermatit, tomir tortishishi, anemiyaga sabab boʻladi. Kimyoviy sintezlab olinadigan Piridoksin tibbiyotda ishlatiladi.