POLIAKRILONITRIL [-SN2-— (CHCN)—]n — akrilonitrilning oq rangli chiziqli polimeri. Mol. m. (30 — 100)-103; zichligi 1140—1170 kg/mʻ. Yumshash t-rasi 220—230°. Odatdagi erituvchilar, yogʻlar taʼsiriga chidamli. Dimetilformamid, dimetilatset-amid, etilen – va propilenkarbonat, konsentrlangan nitrat va sulfat kislotalarda eriydi. Atmosfera sharoi-tiga va yorugʻlik taʼsiriga chidamli. Sanoatda Poliakrilonitril akrilonitrilni geterogen (suvli dispersiyada) yoki gomogen (eritmada) radikal polimerlash usuli bilan olinadi. Ishlab chiqarilgan Poliakrilonitrilning asosiy qismi poliakrilonitril tolalar olishga ketadi.