QALANDARIY — Shashmaqomda Dugoh maqomining Moʻgʻulcha shoʻbasi shoxobchalaridan; Moʻgʻulchai Dugoh Talqinchasining maʼlum varianti, chapandoz doira usulida ijro etiladi. Uning tarkibida daromad, miyonxat, Muxayyari Chorgoh namudi va tushirim qismlari mavjud. Ufar doira usulidagi qisqa varianti Fargʻona vodiysida xotin-qizlar tomonidan sevib kuylanadi. Qalandariyning turli variantlari bor: «Q1», «Qalandariy2» va boshqalar Ularning kuy-ohanglaridan bastakor va kompozitorlar ijodida keng foydalanilgan. Muqimiyning «Soyayi», Koriyning «Ajab bir nozanin» soʻzlari bilan boshlanadigan gʻazallari Qalandariy yoʻllarida aytiladi. T. Jalilov «Tohir va Zuhra» musiqali drama va operasida Q chapandozidan ariya sifatida foydalangan. Yu. Rajabiy «Q1» avjiga Zebo pari avjini kiritib, ashula mazmunini yanada teranlashishiga erishgan. Qalandariy yoʻllari cholgʻu kuylar sifatida ham mashhur.