QAVIQ — chok turi; qaviladigan buyumlar (toʻn, doʻppi, koʻrpa, koʻrpacha va boshqalar)ning ikki tomoniga oʻtkazib tikiladi. Asosan, avraastarli (baʼzan ichiga paxta solingan) buyumlarda qoʻllanadi. Sidirgʻa, gulsiz matolardan tayyorlangan buyumlarda Qaviqning gul, turli shakllar hosil qilib bajarilishi gulli Qaviq deb ataladi, bunday Qaviq buyumga jozibadorlik baxsh etadi.