SALVINI Tommazo (1829.1.1, Milan — 1915.31.12, Florensiya) — italyan aktyori. 19-a. sanʼatining yirik namoyandasi. 1843-y. dan G. Moden rahbarligidagi truppada ishlagan, 1848-y. milliy ozodlik kurashida qatnashgani sababli 2-marta qamoqqa olingan. 60y. lardan oʻzi tashkil etgan truppaga rahbarlik qilgan. 1869-y. dan doimiy gastrollarda (Yevropa, jan. va shim. Amerika, Rossiya va b.) boʻlgan. U, asosan, Shekspir dramalaridagi qahramonlar (Hamlet, Makbet, Lir va b.) obrazi bilan shuhrat qozongan.