VELIKAYA — RF Pskov viloyatidagi daryo. Bejanitsi qirlaridan boshlanadi, delta hosil qilib Chud-Pskov koʻliga quyiladi. Uz. 430 km, havzasining mayd. 25,2 ming km2. Asosiy irmoklari: Issa, Sinyaya, Utroya (chapda), Sorot, Chere-xa, Pskova (oʻngda). Oʻrtacha yillik suv sarfi Pyatonovo qishlogʻi yonida 134 m3/ sek. Velikaya noyabrdan apr. boshigacha muzlab yotadi. Quyilish yeridan Velikayada yogʻoch oqiziladi. 40 km masofada kema qatnaydi. Velikaya sohilida Ostrov, Pskov va Opochka sh. lari joylashgan.